Trý frystilínuskip eru undir Íslandi

Eitt ísfiskalínuskip er undir Íslandi, og fýra eru undir Føroyum. 

Trý frystilínuskip eru undir Íslandi, og trý eru undir Føroyum, skrivar Fiskamarknaðurin.

Um útróður sigur hann, at streymurin er harður nú fyrst í vikuni, men batnar sum vikan gongur. 

Ein djúpvatnstrolari roynir eftir svartkalva eystanfyri.

Havrannsóknarskipini gera yvirlitstrolingar norðanfyri.

Frægari fiskiskapur hjá partrolarum

Flestu partrolararnir eru til fiskarí. Fiskiskapurin hjá teimum er heldur frægari nú. 

Bara tveir trolbátar eru úti. Fiskiskapurin hjá teimum er smáligur.

Tvey garnaskip fiska svartkalva, og fiskaríið er smáligt.

Eitt garnaskip fiskar havtasku, og hevur tað brúkiligan fiskiskap, sigur Fiskamarknaðurin.