ÍSF byggja oman á Fimi

Ætlanin er, at ÍSF skal byggja oman á Fimi í Gundadali.

Umsitingin hjá Tórshavnar kommunu mælir til hesa loysnina, og tað ger meirilutin í Byggi- og býarskipanarnevndin eisini.

Minnilutin í nevndini, Jákup Dam og Ruth Vang, taka ikki undir við tilmælinum á verandi grundarlagi.

Tey vísa til, at aðrir møguleikar fyri staðseting í Gundadali eiga at verða kannaðir.

ÍSF hevur biðið um at sleppa at vera oman á Fimi.

Aðrar staðsetingar, sum eru nevndar, eru við Tórsbreyt og oman á parkeringarøkinum út móti R.C. Effersøes gøtu. 

Býráðið skal taka støðu til málið í kvøld.