Roynir at finna loysn, sum øll kunnu liva við

25.03.2021 - 17:00
AktueltVinna
Roynir at finna loysn, sum øll kunnu liva við
Formaðurin í felagnum Línuskip skal royna at finna felags stev millum tey 21 loyvini í bólki-3
Jógvan I er eitt av frystilínuskipunum
 

- Vit arbeiða enn við málinum, og vónandi finna vit eina loysn, sum allir partar kunnu liva við.

Tað er stutta viðmerkingin frá formanninum í Felagnum Línuskip, sum er biðið um at koma við uppskoti um, hvussu føroysku kvoturnar í Eysturgrønlandi og á Flemish Kap kunnu býtast út sum eginkvotur til línuskipini.

Hálvdan Gudmundsen skal royna at finna felags stev millum tey 21 loyvini í bólki-3, sum eru línuskip.

Málið strandað

Jacob Vestergaard, landsstýrismaður í fiskivinnumálum, hevur til fánýtis roynt at lýsa tvær kunngerðir, sum skulu flyta fiskiskapin frá at vera ein felagskvota til øll línuskipini at fiska burturav, til at vera eginkvotur, markaðar til hvørt skipið sær.

Kunngerðirnar eru strandaðar í politisku skipanini, tí politisk semja er ikki um tær.

Í tí sambandi bað landsstýrismaðurin vinnuna sjálva um at koma við uppskoti til loysn - annars verða kvoturnar aftur í ár útlutaðar sum felagskvotur.

- Eginkvotur merkir ikki, at summi skulu hava og onnur skulu ikki hava, segði Bárður Nielsen, løgmaður, tá Kringvarpið spurdi hann um kunngerðirnar.

Vigar 75 prosent

Við leistinum hjá landsstýrismanninum, har sonevndur "søguligur fiskiskapur" hjá hvørjum einstøkum skipi skal viga 75 prosent, tá heildarkvotan skal býtast, verður sera ymiskt, hvussu stóran part av kvotuni hvørt skipið fær í sín part.

Nøkur fá línuskip hava fiskað nógv við Eysturgrønland og á Flemish Kap síðstu árini, meðan onnur hava fiskað lítið ella einki.

Og so eru tað línu-oyvini, sum framvegis hoyra til nøkur línuskip - hóast hesi línuskip als ikki eru í vinnu meira.

Tekur nakrar dagar

Hálvdan Gudmundsen dugir ikki at siga enn, nær hann hevur eitt uppskot um býti at lata landsstýrismanninum.

- Eg royni framvegis at finna eina loysn, sum øll kunnu liva við, og tað tekur nakrar dagar afturat, sigur formaðurin í Felagnum Línuskip.

Tá munnligir fyrispurningar vóru á skránni í løgtinginum í gjár, segði Jacob Vestergaard, at hann framvegis ætlar at luta út kvoturnar sum eginkvotur.

Er kopiera
Nýggjastu sendingar í ÚV
Mánadag 17. januar
Morgunlestur mánadagur 17.januar 2022
133929
Sunnudag 16. januar
Credo: Eitt barnaheim í Bangladesh.
134065
Leygardag 15. januar
Brunsj við Reiley
134080
Nýggjastu sendingar í SV
Sunnudag 16. januar
3-2
134104
Sunnudag 16. januar
Hondbóltur: Luksemburg - Føroyar
134089
Sunnudag 16. januar
Hvør veit?
134088
Sunnudag 16. januar
Andakt við Christiani Gabrielsen
134087
Sunnudag 16. januar
Hondbóltur: Italia - Føroyar
134086