Veðurstøðin verður veðurstova

Nú verður sjøtul settur á at menna og dagføra eina nøktandi føroyska veðurtænastu, skrivar Vørn.

Løgtingið hevur hækkað játtanina til veðurtænastuna. 

Veðurmenningarbólkurin hevur nú saman við Vørn gjørt uppskot um eina verkætlan, við støði í frágreiðingini, sum varð handað táverandi landsstýrismanni fiskivinnumálum í apríl 2019.

Tveir veðurfrøðingar

Í fyrsta umfari verður lýst eftir tveimum veðurfrøðingum. Seinni í ár verður miðað eftir at seta deildarleiðara og onnur starvsfólk. Fyribils skal veðurmenningarbólkurin virka sum ráðgevi hjá Vørn.

Høvuðsdeild og vaktarstova vera fyrstu tíðina á veðurstøðini oman fyri Boðanes í Havn.

Veðurstøðin er umvæld seinnu árini, og  verður nýtt sum høvuðsdeild hjá Veðurstovuni.

Fyrireikingar verða nú gjørdar, so veðurfrøðingar kunnu byrja arbeiðið í næstum, í fyrsta umfari til venjingar og upplæring, men sum frálíður við at gera føroyskur veðurvánir umframt granskingar- og menningararbeiði, sigur Vørn.