Visti ikki av virkseminum

Visti ikki av virkseminum
Anfinn Olsen, stjóri í Framherja, visti ikki av, at tað var nakar samhandil millum feløg, hann er stjóri fyri, og feløg, ið Samherji eigur á Kýpros
Stjórin hjá Framherja í Føroyum, Anfinn Olsen, visti ikki um samhandil millum hansara feløg og kýpriotsiku feløgini áðrenn Kringvarpið vísti honum skjøl
Mynd: KvF  
 
06.04.2021 - 20:35

Anfinn Olsen, stjóri hjá Framherja, visti ikki av, at tað var nakar samhandil millum feløg, sum hann er stjóri fyri, og feløg, sum Samherji eigur á Kýpros.

Framherji er eitt av størstu samtøkunum innan føroyska fiskivinnu. Í nógv ár er felagið tó blivið ákært fyri at vera stýrt av Samherja í Íslandi, sum eigur í føroyska samtakinum.  Samherji eigur eisini fleiri feløg á Kýpros.

Sambært roknskapunum hjá tveimum teirra, Esja Shipping og Esja Seafood, er regluligur handil millum feløgini og føroysk feløg, Samherji eigur í: Framherji, Framinvest, Harengus, Scombrus og Tindhólmur. 

 >> SÍ EISINI »Teir ómettiligu«: Her eru mest umráðandi skjølini

Anfinn Olsen, stjóri í Framherja, visti tó einki um, at tað var nakar samhandil millum hansara feløg og kýpriotsiku feløgini fyrr enn eftir, at KvF hevði víst honum roknskapirnar hjá kýpriotisku feløgunum. 

Anfinn Olsen ásannar fyri KvF, at hann hevur ikki viljað spurt Samherja um feløgini, tí hann hevur ikki viljað fingið at vita um feløgini, tí onkuntíð kann vera best ikki at vita.

Bjørn á Heygum, sum situr í nevndunum fyri føroysku feløgini, sigur eisini við KvF, at hann visti ikki um viðurskiftini, og hann hevur einki innlit í, hvat er farið fram í feløgum sum Harengus, Scombrus og Tindhólmi, sum hann annars á papírunum var nevndarformaður fyri.

Er kopiera
Nýggjastu sendingar í ÚV
Fríggjadag 14. mars
Morgunlestur fríggjadagur 14. mars 2025
188901
Hósdag 13. mars
RagnarRokk 13.mars 2024
187290
Nýggjastu sendingar í SV
Hósdag 13. mars
Always Outnumbered, Never Outgunned
189170
Mikudag 12. mars
Hondbóltur: Føroyar - Holland
189119
Mikudag 12. mars
Dagur og vika - teknmálstulkað
189087
Týsdag 11. mars
Veðrið
189035