- Tíðindi, mentan og ítróttur
ES og Føroyar samráðast framvegis um fiskirættindi
ES og Føroyar samráðast framvegis um fiskirættindi
ES og Føroyar samráðast aftur í dag um fiskirættindasáttmála fyri 2021
![](https://kvf.fo/sites/default/files/styles/grein-ovasta-mynd/public/jacob_vestergaard_3.png?itok=Y9Hco-dX)
08.04.2021 - 12:32
Ætlanin var, at samráðingarnar skuldu enda í gjár, men partarnir komu ikki á mál.
Jacob Vestergaard, landsstýrismaður sigur, at samráðingarnar ganga sum tær skulu, men fleiri lond eru í ES, sum skulu kunnast, og tann parturin tekur tíð.
Samráðingarnar byrjaðu aftur fyrrapartin, og miðað verður eftir, at ein avtala skal fáast í lag hesa vikuna.
Tað hastar at fáa eina semju, tí avtalan gevur millum annað atgongd til rækjufiskiskap í Eysturgrønlandi, og hann er í hæddini nú.
Landsstýrismaðurin væntar, at avtalan verður lík henni, sum hevur verið galdandi tey seinnu árini, tí partarnir hava sum heild verið nøgdir við hana.
Tó verður hon kanska eitt sindur minni í vavi, nú Bretland ikki longur er partur av ES.
Nýggjastu sendingar í ÚV
Nýggjastu sendingar í SV