600 fastognir seldar um árið

bannari
19.04.2021 - 08:55
AktueltPolitikkur
600 fastognir seldar um árið
Enn er ikki talan um nakran stóran trupulleika, at útlendingar vilja keypa ognir uttan fyri miðstaðarøkið, sigur samgongan í Rættarnevndini
Helst er ein vaksandi áhugi millum útlendingar at keypa fastogn í Føroyum, men enn er ikki talan um ein stóran trupulleika, sigur samgongan í Rættarnevndini
Mynd: Savnsmynd  
 

Okkurt um 600 fastognir verða seldar í Føroyum um árið. Útlendingar keypa millum tríggjar og tíggju teirra.

Tað stendur í álitinum hjá Rættarnevndini, sum hevur viðgjørt eitt uppskot hjá Tjóðveldi um at forða útlendingum í at keypa fastogn í Føroyum.

Í viðgerðini í nevndini er komið fram, at helst er ein vaksandi áhugi millum útlendingar at keypa fastogn í Føroyum. 

Ikki stórur trupulleiki

Enn er tó ikki talan um nakran stóran trupulleika, siga samgonguumboðini í Rættarnevndini.

Meklarafyritøkur upplýsa, at útlendingar serliga vilja keypa ognir uttan fyri miðstaðarøkið, sum oftast summarhús, har útlendski eigarin býr ein part av árinum.

Tinglýsingin hevur ikki tøl um, hvussu nógvir útlendingar eiga fastogn í Føroyum. 

Samgongan tekur ikki undir við uppskotinum hjá Tjóðveldi, tí eitt uppskot um útlendingar og fastogn er á veg úr landsstýrinum. Tað uppskotið er til hoyringar til 23. apríl.

Er kopiera
Nýggjastu sendingar í ÚV
Sunnudag 16. mai
Helena Samuelsen er gestur í Brunsj
124277
Leygardag 15. mai
Jambalaja 150521
124271
Nýggjastu sendingar í SV
Hósdag 13. mai
Guðstænasta í Vesturkirkjuni
124199
Mánadag 10. mai
3-2
124088
Sunnudag 9. mai
Andakt við Øyvindi Bjerkenes
124018