- Tíðindi, mentan og ítróttur
Ólavsøkuaftan verður ikki almennur frídagur
Ólavsøkuaftan verður ikki almennur frídagur
Samgongan í Mentanarnevndini tekur ikki undir við uppskotinum frá Sirið Stenberg í Tjóðveldi
Korona hevði við sær, at á ólavsøku í fjør skipaðu býarpartar í Havn sjálvir fyri ymiskum tiltøkum. Sirið Stenberg í Tjóðveldi hevur skotið upp, at ólavsøkuaftan skal verða almennur frídagur, men samgongan tekur ikki undir við tí
Mynd: Bjarni Árting Rubeksen
19.04.2021 - 09:03
Summi vilja fegin arbeiða á ólavsøku, enntá báðar dagarnar.
Og tey, sum vilja hava frí til at fara á ólavsøku, fáa tað.
Tað siga umboðini hjá samgonguni í Mentanarnevndini hjá løgtinginum seg hava fingið at vita bæði frá arbeiðsgevarum og fakfeløgum, sum nevndin tosaði við.
Taka ikki undir við uppskotinum
Nevndin hevur viðgjørt uppskotið til samtyktar hjá Sirið Stenberg í Tjóðveldi um at gera ólavsøkuaftan til almennan frídag.
Samgongan tekur ikki undir við uppskotinum.
Hetta er eitt mál, sum partarnir á arbeiðsmarknaðinum eiga at samráðast um.
Politiski myndugleikin skal ikki leggja seg upp í samráðingarnar á arbeiðsmarknaðinum, halda umboðini hjá samgonguni í Mentanarnevndini.
Er kopiera
Nýggjastu sendingar í ÚV
Nýggjastu sendingar í SV
