Ukraina: Russisku hermenninir tikið seg aftur

Russisku hermenninir, sum seinastu tíðina hava vant við ukrainska markið, hava tikið seg aftur til sínar vanligu støðir, upplýsir russiski verjumálaráðharrin, Sergej Shoigun, sambært BBC.

Hermenninir hava í fleiri vikur verið tætt upp at ukrainska markinum, og fleiri lond søgdu seg bera ótta fyri, at hermenninir fóru at gera innrás í Ukraina. Og fleiri NATO-lond ávaraðu Russland ímóti at nýta hermenninar til eina innrás.

- Teir umleið 100.000 hermenninir eru lidnir við venjingarnar, og teir hava prógvað, at teir kunnu verja landið, sigur russiski verjumálaráðharrin.

Russiski verjumálaráðharrin er staddur á Krim-hálvoynni, sum hoyrdi til Ukraina, men sum Russland legði undir seg fyri nøkrum árum síðani.