Ongantíð fødd so fá børn í Noregi

Talið av børnum, sum eru fødd í Norra, hevur ongantíð verið lægri enn í fjør. Tá vóru 42,8 børn fødd fyri hvørjar túsund kvinnur, skrivar NTB.

Talið av børnum, sum eru fødd í 2020, er fallið við 2,9 prosentum samanborið við árið frammanundan.

– Vit vita ikki, hví færri børn verða fødd. Fruktbærið er fallið áleið eins nógv í øllum teimum norðurlendsku londunum, sigur Ferenc Mascali, yvirlækni á Fólkaheilsustovninum í Norra.