Pfizer væntar 161 milliardir í inntøku í ár

Pfizer væntar, at inntøkurnar frá at selja koronukoppingarevni verða 161 milliardir krónur í ár. Tað sæst í roknskapinum hjá fyritøkuni fyri fyrsta ársfjórðingin, sum varð kunngjørdur í gjár, skrivar Ritzau.

Tað er nógv meira enn tær umleið 93 milliardirnar, sum upprunaliga varð mett. Nýggja metingin hjá Pfizer er bygd á avtalur, sum eru gjørdar við lond í øllum heiminum.

Samanborið við sama tíðarskeið í fjør, er talan um eina trífalding í søluni hjá Pfizer. Stóra framgongdin frá millum annað COVID-19 koppingarevninum gevur Pfizer ein umsetning uppá 90 milliardir krónur í fyrsta ársfjórðingi.