Eftirlitsradarin kemur ikki fyri tingið

06.05.2021 - 10:44
AktueltPolitikkur
Eftirlitsradarin kemur ikki fyri tingið
Eingin avgerð verður tikin, fyrr enn ið hvussu er ein ráðførsla hevur verið við uttanlandsnevndina aftrat, sigur Jenis av Rana
Eingin avgerð er tikin um radaran, sigur Jenis av Rana, landsstýrismaður í uttanríkismálum
 

Málið um ætlaða eftirlitsradaran verður ikki lagt fyri tingið.

Tað skilst av svarinum, sum Jenis av Rana, landsstýrismaður í uttanríkismálum, hevur givið Bjarna K. Petersen, løgtingsmanni í Framsókn.

Eingin avgerð er tikin um radaran enn.

Jenis av Rana, landsstýrismaður í uttanríkismálum

Bjarni K. Petersen spurdi Jenis av Rana, um landsstýrismaðurin kann vátta, at endaliga avgerðin um at seta lofteftirlitsradara upp á Sornfelli verður tikin í løgtinginum við løgtingssamtykt ella aðrari løgtingsfyriskipan.

Jenis av Rana sigur, at hann kann vátta, at eingin avgerð er tikin um at seta eftirlitsradara upp í Føroyum.

Fleiri ráðførslur

Higartil hevur ikki verið mett, at málið eigur at verða viðgjørt eftir grein 52 í stýrisskipanarlógini, har ásett er, at landsstýrið ikki kann gera avtalur, sum krevja løgtingsins luttøku fyri at verða útintar, sigur Jenis av Rana.

Hinvegin kemur avgerðin undir grein 54 í stýrisskipanarlógini, tí avgerðin tekur støði í samráðingum um eitt mál, ið hevur týdning fyri viðurskiftini millum Føroyar og Danmark, og eitt mál, ið hevur uttanríkispolitiskan týdning fyri Føroyar, sigur landsstýrismaðurin í uttanríkismálum.

Tvær ráðførslur og eitt samráð hava verið við uttanlandsnevndina hjá løgtinginum um málið, og endalig avgerð um radaran verður tikin í fyrsta lagi eftir, at ein ráðførsla aftrat hevur verið við uttanlandsnevndina, sigur Jenis av Rana í svarinum til Bjarna K. Petersen.

Bjarni K. Petersen í Framsókn hevur spurt Jenis av Rana, landsstýrismann, um ætlaða radaran á Sornfelli.

 

 

Er kopiera
Nýggjastu sendingar í ÚV
Fríggjadag 24. september
Góðan morgun Føroyar 24.09.2021
129002
Fríggjadag 24. september
Morgunlestur fríggjadagur 24. september 2021
128854
Hósdag 23. september
RagnarRokk 23.September 2021
128727
Hósdag 23. september
RagnarRokk: Dennis DeYoung um 26.East Vol.2
128720
Hósdag 23. september
LEITISSTEIN 21.09.2021
128957
Nýggjastu sendingar í SV
Mánadag 20. september
3-2
128833
Mánadag 20. september
VIDEO: Rundtúrur umborð á Jákupi Sverra
128807
Sunnudag 19. september
Guðstænasta úr Gøtu kirkju.
128771
Sunnudag 19. september
Andakt við Jógvan Zachariassen
128767
Fríggjadag 17. september
RagnarRokk Reyp 23.september 2021
128699