- Tíðindi, mentan og ítróttur
ES og Noreg umhugsa kinesiskt koppingarevni
ES og Noreg umhugsa kinesiskt koppingarevni
Evropeiski heilivágstovnurin, EMA, sigur í tíðindaskrivi, at ES og Noreg umhugsa at góðkenna kinesiska koppingarevnið, Sinovac
Mynd: Savnsmynd (AP)
06.05.2021 - 05:54
Sambært EMA hava dátur givið ábending um, at koppingarevnið mennir mótstøðuføri í kroppinum fyri koronu.
– Hetta er fyrsta koppingarevnið, sum brúkar koppingarmeginregluna, at tú gert COVID-19-virusið óvirkið, at tað doyr. Kinesisk feløg hava í stóran mun satsa upp á ta meginregluna, sigur Sigurd Hortemo, í norska heilsuvágstovninum, við VG.
Hann sigur, at royndir eru gjørdar við koppingarevninum í Turkalandi, Indonesia og Brasil. Í Indonesia og Turkalandi vístu royndirnar 65 - 90 prosent verju, meðan kanningarnar í Brasil vístu lægri verju, niður móti 50 prosentum.
Nú fer European Medicines Agency, EMA, at meta um dáturnar og gera samlaða meting av, hvussu væl stovnurin heldur, at koppsetingin virkar.
Nýggjastu sendingar í ÚV
Nýggjastu sendingar í SV