Jóna og Bergur vald í læraranevndina

Jóna Højsted og Bergur Samuelsen vórðu vald í nevndina í Lærarafelagnum á aðalfundinum í gjár.

Tveir nevndarlimir stóðu fyri vali hesaferð. 

Jóna Højsted, sum hevur verið í nevndini í nøkur ár, stillaði uppaftur, men tað gjørdi Carl Eli Nolsøe Samuelsen ikki. 

Tríggir stillaðu upp

Harafturat stillaðu Bergur Samuelsen, Jónleif Johannesen og Jákup av Skarði upp.

Jóna Højsted fekk 111 atkvøður, Bergur Samuelsen 99, Jónleif Johannesen fekk 68 og Jákup av Skarði 32 atkvøður.

Uppskot var um at broyta viðtøkurnar hjá felagnum, so læraralesandi kunnu gerast limir í felagnum í fyrsta lestrarári.

Tey hava kunnað tekna seg sum lim annað árið, tey lesa.