SAS fer aftur at flúgva til Føroya

SAS tekur føroyaflúgvingina uppaftur 11. juni, skrivar Vágaportalurin.

Sambært heimasíðuni hjá SAS, flýgur flogfelagið aftur til Føroya um ein mánað.

Í juni verður flogið mánadag, fríggjadag og sunnudag.

Frá 28. juni flýgur SAS til og úr Føroyum allar dagar í vikuni uttan leygardag sambært skipanini, har ferðaseðlar verða keyptir.

SAS gavst at flúgva til Føroya 1. oktober í fjør, tá ferðafólkatalið minkaði, og SAS eisini skuldi krevja gjald frá ferðafólki fyri koronukanningar.