Freistin flutt til mánadagin

Freistin hjá teimum, sum vilja sleppa at gera bergholið til Fámjins, er flutt til mánadagin.

Freistin var annars í gjár, Kristi himmalsferðardag, men Landsverk flutti freistina.

Landsverk bað fyri trimum vikum síðani fyritøkur, sum vilja bjóða upp á bergholið, um at søkja um undangóðkenning.

170 mió. kr.

Fámjinstunnilin er mettur at kosta 170 milliónir krónur sambært nýggjastu kostnaðarmetingini.

Ætlanin er at bjóða arbeiðið at gera bergholið út seinni í ár og byrja arbeiðið seint í 2021.

Verkætlanin er mett at verða liðug í seinasta lagi í 2023-2024.

Bergholið verður góðar 1.200 metrar.