Arbeiðsgevararnir halda seg til semingsuppskotið

Fíggjarmálaráðið og Kommunala arbeiðsgevarafelagið taka ikki ikki undir uppskotinum frá Pedagogfelagnum um semju, men arbeiðsgevararnir halda seg uppskotið hjá Semingsstovninum.

Tað siga Fíggjarmálaráðið og Kommunala arbeiðsgevarafelagið, sum hava svarað Pedagogfelagnum.

Arbeiðsgevararnir góðtóku uppskotið hjá Semingsstovninum, men Pedagogfelagið vrakaði tað.

Fíggjarmálráðið og Kommunala arbeiðsgevarafelagið halda, at uppskotið hjá Pedagogfelagnum byggir í stóran mun á upprunakrøvini hjá felagnum, og leggur soleiðis upp til, at partarnir fara at samráðast heilt av nýggjum.

- Tað meta vit ikki gevur meining, tá hugsað verður um, at nógvir samráðingarfundir og drúgv seming hava verið millum partarnar, siga Fíggjarmálaráðið og Kommunala arbeiðsgevarafelagið í svarinum til Pedagogfelagið.

Anita Fuglø, leiðari í Kommunala arbeiðsgevarafelagnum, sigur við útvarpið, at sum er taka arbeiðsgevararnir ongi stig í sáttmálatrætuni.