Vinnan lænir meira í Føroyum, húsarhald úr Danmark

31.05.2021 - 11:12
AktueltVinna
Vinnan lænir meira í Føroyum, húsarhald úr Danmark
Verða øll lán, bæði í Føroyum og Danmark, tald við, hevur útlánsvøksturin fyrsta ársfjórðing í ár verið 6,3 prosent.
Meðan vinnan lænir meira í føroyskum peningastovnum, læna húsarhald meira úr donskum peninga- og realkredittstovnum
 

Útlánsvøksturin í føroysku peningastovnunum fyrsta ársfjórðing í ár var 3,7 prosent, men verða lánini úr donskum peninga- og realkredittstovnum tald við, var vøksturin 6,3 prosent, vísa tøl hjá Landbankanum.

Tað eru fyrst og fremst tænastu- og framleiðsluvinnurnar, sum hava lænt meiri í føroysku peningastovnunum, ella sjey prosent meira enn somu tíð í fjør.

Húsarhaldini læna hinvegin nógv meira úr donskum og peninga- og realkredittstovnum til sethúsakeyp.

Tænastuvinnur meira, tilfeingisvinnur minni

Vøksturin í lánum úr peningastovnunum til tænastuvinnurnar hevur verið 11 prosent og átta prosent til framleiðsluvinnur. Ein partur av útlánunum til tænasturvinnurnar er til kommunur.

Hinvegin hava tilfeingisvinnurnar lænt fimm prosent minni fyrsta ársfjórðing í ár.

Tølini hjá Landsbankanum vísa, at útlánsvøkturin úr donskum peninga- og realkredittstovnum er vaksin 18 prosent fyrsta ársfjórðing.  Lánini fara fyrst og fremst til sethúsakeyp. Vinnulívið lænir eisini nakað úr donskum peningastovnum.

Lánini úr Danmark draga útlánsvøksturin uppeftir. Tá lánini bæði úr føroyskum og donskum peninga- og realkredittsstovnum verða løgd saman, hevur útlánsvøksturin fyrsta ársfjórðing í ár verið 6,3 prosent.

Er kopiera
Nýggjastu sendingar í ÚV
Fríggjadag 30. juli
Morgunlestur fríggjadagur 30. juli 2021
126396
Hósdag 29. juli
Guðstænasta úr Havnar kirkju
127006
Hósdag 29. juli
Morgunlestur hósdagur 29. juli 2021
126395
Mikudag 28. juli
Morgunlestur mikudagur 28. juli 2021
126394
Týsdag 27. juli
Málbroytingar í føroyskum
126166
Nýggjastu sendingar í SV
Hósdag 29. juli
Tingið verður sett
127016
Hósdag 29. juli
Guðstænasta úr Havnar kirkju.
127005
Mikudag 28. juli
Á ólavsøku
126992
Mikudag 28. juli
Video: 5mf gentur, ólavsøka 2021
126991
Mikudag 28. juli
Video: 10mf, ólavsøka 2021
126990