Styrkja palliativa økið í sjúkrahúsverkinum

Í ár eru settar av 600.000 kr. til at styrkja palliativa økið í sjúkrahúsverkinum, so tað fær ein sjúkrarøktarfrøðing afturat. 

Annars verður arbeitt við nýggjari krabbameinsætlan, sum millum annað umfatar palliativa hjálp.

Eftir ætlan verður krabbameinsætlanin liðug í september. 

Men um komið verður á mál við tilmælunum um pallitatión næsta ár sum ætlað, er ringt at siga nú.

Kaj Leo Holm Johannesen, landsstýrismaður, hevur svarað Eyðgunn Samuelsen, løgtingskvinnu, sum spurdi um palliatión.

Álit um palliatión

Í november 2019 fekk landsstýrið eitt álit um palliatión.

Sambært tí skuldu tilmælini fremjast í fjør, í ár og næsta ár. Í 2023 skal ein eftirmeting gerast.

Kostnaðurin er 29,5 mió. kr. 

Palliativ viðgerð er linnandi, men ikki lekjandi.