Apoteksverkið einkarrætt at innflyta heilivág

Apoteksverkið hevur einkarrætt at innflyta heilivág til Føroya.

Tað hevur Skatta- og avgjaldskærunevndin enn einaferð staðfest við tveimum avgerðum.

Nevndin fekk tvær kærur um, at Taks hevði tikið heilivág, sum kom til Føroya í postsending.

Heilivágurin varð burturbeindur.

Kærunevndin hevur í báðum førum staðfest avgerðirnar hjá Taks.

Kostískoyti og klárur løgur

Í øðrum førinum var talan um kostískoyti, sum melatonin var í. Melatonin er heilivágur.

Í hinum førinum er talan um fløsku við klárum løgi, men ikki við nóg góðari vørulýsing.

Landsapotekarin kannaði løgin og staðfesti, at hann var heilivágur.