Bollafabrikkin boðin út

Arbeiðið at umvæla Klaksvíkar Hermetikk, vanliga rópt Bollafabrikkin, er nú boðið út.

Bygningurin, sum er frá 1946, skal gerast sum hann upprunaliga var.

Arbeiðið, sum nú er boðið út, er at skifta tekju, klædning, vindeygu, úthurðar og eftirbjálva virkisbygningin, sum er á Stongunum í Klaksvík. 

Bygningurin er 640 fermetrar, og hann er í tveimum hæddum.

Liðugt um ársskiftið

Eftir ætlan skal arbeiðið byrja í summar og vera liðugt um ársskiftið. Freistin at koma við tilboðum er til á middegi 25.juni.

Í dag eru egningarskúrar og frystigoymslur í bygninginum. 

Eigararnir eru 15 í tali.

Metti kostnaðurin fyri umvælingina er hálvfjórða millión.