Ongar gudstænastur sunnudagin

Ongar gudstænastur vera í føroysku fólkirkjuni nú sunnudagin, fyrsta sunnudag eftir tríeindardag.
 
Tað skrivar Uni Næs, dómpróstur, í skrivi til kirkjuráðini og sóknarprestarnar.

- Avgerðin er tikin eftir at myndugleikarnir mæla til, at øll tiltøk, har fólk koma saman, bæði alment og privat, annaðhvørt verða útsett ella avlýst, skrivar dómpróstur á facebook-síðuni hjá Fólkakirkjuni.

Kirkjan kann tó, sambært læknafrøðiliga myndugleikanum, hava dóp, vígslu og jarðarferð, stendur í skrivinum, men myndugleikin mælir frá, at samkomur verða í hesum sambandi.