USA setir kinesiskar fyritøkur á svartalista

USA setir kinesiskar fyritøkur á svartalista
Svartalistin hjá Biden fevnir um kinesiskan hernaðarídnað og kinesiskar fyritøkur, sum selja eftirlitstøkni
Joe Biden, forseti, hevur sett fleiri kinesiskar fyritøkur á svartalista, og forsetin vil eisini hava sameind lond í Evropa at gera tað sama
 
04.06.2021 - 09:40

Amerikanski forsetin, Joe Biden, hevur sett fleiri kinesiskar fyritøkur á svartalista. 

Frammanundan vóru 31 kinesiskar fyritøkur á listanum, sum fyrrverandi forsetin, Donald Trump, hevur gjørt, og á nýggja listanum standa nú 59 fyritøkur.

Svartalistin hjá Biden fevnir um kinesiskan hernaðarídnað og kinesiskar fyritøkur, sum selja eftirlitstøkni.

Biden vil forða amerikonskum íleggjarum at stuðla hernaðarídnaðinum í Kina, íroknað gransking og menning av fregnartænastuvirksemi og trygd, siga Hvítu Húsini.

Biden vil eisini tryggja, at amerikanskir íleggjarar ikki stuðla kinesiskum fyritøkum, sum selja eftirlitstøkni, sum verður brúkt móti frávíkjarum og átrúnaðarligum minnilutum í og uttan fyri Kina.

Fleiri av hesum fyritøkum, eitt nú Huawei og China Mobile, standa longu á svartalistanum hjá Donald Trump. 

Kemur í gildi 2. august

Bannið kemur í gildi 2. august.

Myndugleikarnir í Kina hava funnist hvassliga at svartalistanum, og siga, at hann er politiskur.

Átakið hjá Biden kemur nú, útflutningurin hjá Kina av njósnaratøkni - eitt nú tøkni, sum kennir aftur andlit - er í støðugum vøkstri, skrivar New York Times.

Á næsta G-7-toppfundi í Bretlandi og síðani NATO-fundinum, har Biden eisini verður við, fer hann royna at sannføra síni sameindu í Evropa og lond, sum t.d. Japan og Suðurkorea, um eisini at seta bann fyri íløgum í Kina, skrivar New York Times.

Er kopiera
Nýggjastu sendingar í ÚV
Fríggjadag 29. mars
Úr Koltri til Kirkjubøar (2:2)
172480
Fríggjadag 29. mars
Guðstænasta úr Hvannasunds kirkju
172951
Hósdag 28. mars
Ein sangur til dirvi
172633
Nýggjastu sendingar í SV
Fríggjadag 29. mars
Guðstænasta úr Hvannasunds kirkju
172949
Hósdag 28. mars
Skírhósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (2:3)
40585