Toppurin á siloini koppaði

Fyrr í dag koppaði toppurin á eini sementsilo á havnarlagnum á Sundi. 

Tað er fyritøkan Articon, sum eigur siloina.

Arbeiðsfólk vóru í ferð við at seta ein topp á sementsiloina, men eitt óhapp gjørdi, at toppurin koppaði.

Jón Sigurdsson, stjóri í Articon, sigur í stuttari viðmerking, at tað er ikki greitt, hví óhappið hendi.

Einki fólk hevur fingið skaða, men nakað av materiellum skaða er.