Uppskotið lagt fram - 1. viðgerð fríggjadagin

16.06.2021 - 11:17
AktueltPolitikkur
Uppskotið lagt fram - 1. viðgerð fríggjadagin
Nú verður ásett við lóg, at pedagogar í størvum hjá Almannaverkinum kunnu ikki verða fevndir av arbeiðssteðgi
Helgi Abrahamsen, landsstýrismaður, hevur lagt fram uppskot, sum lóggevur pedagogar í Almannaverkinum aftur til arbeiðis
 

Helgi Abrahamsen, landsstýrismaður, hevur fyri løtu síðani lagt fram uppskot um at leingja sáttmálarnar millum Pedagogfelagið øðrumegin og Fíggjarmálaráðið og Kommunala arbeiðsgevarafelagið hinumegin fyri ávís størv undir Almannaverkinum. 

Helgi Abrahamsen sigur, at endamálið við uppskotinum er at byrgja fyri, at trygdin fyri lívi og heilsu, ið fáa tænastu frá Almannaverkinum, verður sett í váða. Tí verður ásett við lóg, at limir í Føroya Pedagogfelag, sum eru í størvum hjá Almannaverkinum og sjálvsognarstovnum undir Almannaverkinum, ikki kunnu verða fevndir av arbeiðssteðgi.

Almannaverkið hevur avgerðina

Sambært uppskotinum er tað Almannaverkið, ið metir um og avger, hvørji starvsfólk, Almannaverkið ikki kann vera fyriuttan.

Limir hjá Føroya Pedagogfelag, sum fáa boð frá Almannaverkinum, hava skyldu til at fara til arbeiðis og at fylgja sáttmálum millum Føroya Pedagogfelag og Fíggjarmálaráðið og Kommunala Arbeiðsgevarafelagið, sum vóru galdandi til 1. oktober 2020.

Um Føroya Pedagogfelag ikki er samt við avgerðini hjá Almannaverkinum um, hvørji starvsfólk Almannaverkið ikki kann verða fyriuttan, kann spurningurin leggjast fyri eina nevnd, sum er mannað við trimum limum, har leiðarin fyri Deildina fyri Arbeiðs-og Almannaheilsu er formaður, og Fíggjarmálaráðið og Føroya Pedagogfelag velja hvør sín lim.

Verður viðgjørt fríggjadagin

Løgtingsformaðurin boðaði frá, at uppskotið kemur til 1. viðgerð á tingfundi fríggjadagin klokkan 10.

Tá hann fyrireikaði uppskotið, ætlaði Helgi Abrahamsen at fáa tingið at víkja frá tíðarfreistini á øllum viðgerðarstigum, so málið kundi avgreiðast beinanvegin, men í gjár varð greitt, at undirtøka varð ikki fyri tí í løgtinginum.

Johan í farloyvi

Johan Dahl í Sambandsflokkinum hevur biðið um farloyvi úr løgtinginum, og Eyðdis Hartmann Niclasen hevur tikið sæti fyri hann.

 

 

 

Er kopiera
Nýggjastu sendingar í ÚV
Leygardag 18. september
Brunsj við Poul Rustin
128761
Leygardag 18. september
Jambalaja 180921
128758
Leygardag 18. september
Morgunlestur leygardagur 18.september 2021
128185
Fríggjadag 17. september
Nón 17. september 2021
128734
Nýggjastu sendingar í SV
Fríggjadag 17. september
RagnarRokk Reyp 23.september 2021
128699
Týsdag 14. september
VIDEO: 100 kvinnur maskinbinda
128599
Týsdag 14. september
VIDEO: Burgari a la GMF
128590
Týsdag 14. september
RagnarRokk Reyp 16.september 2021
128578