Koronusmitta aftur á russiskum trolara

32 fólk á russiska trolaranum Karelia, sum liggur í Runavík, eru koronusmittað.

Tað upplýsir landslæknin.

Eitt fólk er á Landssjúkrahúsinum.

Øll manningin, 77 fólk, eru kannað. Og 32 teirra eru smittað. 

Karelia, Runavíkar Havn, covid-19

Avbyrgdur

Møguleikin fyri, at onnur enn manningin er smittað, er ógvuliga avmarkaður, sigur landslæknin. Russiski trolarin er í løtuni avbyrgdur. 

Karelia kom á Runavík tíðliga seinnapartin 15.juni.

Sambært heimasíðuni vesselfinder.com er hann lagdur, moored, sum tað stendur á enskum, tíðliga í morgun.

23 smittað í fjør

Karelia var eisini ofta í tíðindunum fyri sløkum ári síðani.

24.juli í fjør kom fram, at 23 av 30 kannaðum umborð á Kareliu vóru smittað. Og tveir vórðu innlagdir.

Karelia, Runavíkar Havn, covid-19