Rúni Rasmussen kommunustjóri í Klaksvík

Rúni Rasmussen verður nýggjur kommunustjóri í Klaksvíkar Kommunu.

Rúni Rasmussen kemur frá einum starvið, sum deildarstjóri á stjórnartænastuni á løgmansskrivstovuni, har hann hevur starvast í 10 ár.

Áður hevur Rúni starvast sum deildarleiðari á Almannastovuni, umframt at hann eitt skifti var fyribilsstjóri í Søvnum Landsins.

Rúni Rasmussen er 42 ára gamal og er stjórnmálafrøðingur. Harumframt er Rúni útbúgvin prosesskonsulent og verkætlanarleiðari.

Hann tekur við eftir Tummas Eliasen, og byrjar í starvinum 1. august.