Allar markaforðingar í ríkinum skulu beinast burtur

29.06.2021 - 08:04
AktueltPolitikkur
Allar markaforðingar í ríkinum skulu beinast burtur
Danska stjórnin leggur dent á at beina fyri øllum marknaforðingum í ríkinum og forða fyri, at fleri koma. Tað sigur danski ráðharrin í norðurlendskum samstarvi
 

Fólkatingið samtykti í 2014 at beina fyri marknaforðingum í ríkisfelagsskapinum. Í fyrsta yvirlitinum, sum varð gjørt í 2016, vóru 21 slíkar forðingar.

Í einum yvirliti, sum er gjørt í ár, eru 12 marknaforðingar.

Og danska stjórnin leggur dent á at beina fyri øllum marknaforðingum í ríkinum og forða fyri, at fleri koma.

Tað sigur Flemming Møller Mortensen, danskur ráðharri í norðurlendskum samstarvi, í svari til Edmund Joensen, fólkatingsmann.

Øll ráð vilja tað sama

Ráðharrin sigur, at øll ráðharraráðini í Danmark hugsa um hetta, tá tey gera lógaruppskot, har millum annað ES-lóggáva er uppií.

Ein marknaforðing í ríkisfelagsskapinum kemur, tá ymiskar reglur ella ymiskur rættarstandur í Danmark, Grønlandi og Føroyum, geva teimum, sum flyta millum londini, trupulleikar.

Flemming Møller Mortensen sigur, at samskifti er millum myndugleikar í øllum trimum londum í ríkinum um marknaforðingar.

Ráðharrin sigur, at hann vil fegin frætta um marknaforðingar, sum ikki eru í yvirlitinum longu nú. 

 

Er kopiera
Nýggjastu sendingar í ÚV
Leygardag 28. mai
Bruns við Poul Müller
140219
Leygardag 28. mai
Upp á tá - 270522
140218
Leygardag 28. mai
Sending við country og fólkatónleiki
140217
Leygardag 28. mai
Morgunlestur leygardagur 28.mai 2022
139982
Fríggjadag 27. mai
Nón 27. mai 2022
140205
Nýggjastu sendingar í SV