Tveir smittutilburðir av ókendari smittukeldu

Tríggir nýggir smittutilburðir vórðu staðfestir í gjár, og í tveimum førum ber í løtuni ikki til at vita, hvør smittukeldan er, meðan tann triði smittaði er partur av kendari smittuketu.

Tað skrivar heimasíðan korona.fo.

1.118 kanningar vórðu gjørdar seinasta samdøgrið. 

Í løtuni eru 13 persónar smittaðir við koronu.

Yvir helvtin fingið fyrra prikið

779 vórðu koppsett í gjár.

628 fingu fyrra koppsetingina, og 151 fólk fingu tað seinnu.

Nú hava 28.060 fólk fingið fyrra prikið, tað svarar til 52,6% av fólkunum í Føroyum, meðan 18.814 fólk hava fingið seinna prikið - tað eru 35,2% av fólkunum og tey eru tíksil liðugt koppsett.