Nýtt ES-boykott spøkir

ES fer møguliga at boykotta Føroyar í einum nýggjum makrelstríði. Tað skrivar Sosialurin í dag. Orsøkin er úrslitaleysu samráðingarnar um makrelbýtið millum strandalondini.  

Sosialurin skrivar, at føroysk embætisfólk hava fingið at vita á einum fundi í Brússel, at ein ætlan um boykotta Føroyar er í umbúna, men enn er einki ítøkiligt uppskot komið til viðgerðar. 

- Eg haldi, at hetter er ein ómetaliga primitivur máti at arbeiða uppá, sigur Jacob Vestergaard, landsstýrismaður í fiskivinnumálum við Sosialin.

Føroyar hava hækkað sína makrelkvotu við 60.000 tonsum í ár, og hon er tilsamans 167.000 tons í 2021.