Triðja prikið kanska neyðugt

- Tað er ikki óhugsandi, at nøkur fólk fara at hava tørv á triðja prikinum, fyri at betra immunverjuna. 

Soleiðis sigur Henrik Ullum, stjóri í danska Serumstovninum við DR, nú Delta-frábrigdið, sum smittar illa, ger um seg í Danmark.                        

- Um tað verða øll omanfyri 50 ár, sigur hann seg ikki vita enn. Men tað er fyri tey sum eru mest sárbær, tey elstu og tey sum hava veika immunverju, sigur hann.

Stjórin á Serumstovninum leggur kortini dent á, at Serumstovnurin hevur tørv á meir vitan um delstavirusið, áðrenn nøkur avgerð verður tikin.