Danmark brennur inni við óbrúkiligum skamtum

08.07.2021 - 10:01
AktueltHeilsa
Danmark brennur inni við óbrúkiligum skamtum
Danmark hevur í løtuni meir enn eina millión skamtar av koppingarevni frá AstraZeneca og Johnson&Johnson á goymslu.
Mynd: Savnsmynd  
 

Danmark fær framvegis koppingarevni frá AstraZeneca og Johnson&Johnson, hóast donsku heilsumyndugleikarnir hava gjørt av, at AstraZeneda og Johnson&Johnson ikki skulu vera partur av donsku koppingarætlanini.

Hetta skrivar DR, sum hevur fingið innlit í tøl frá danska heilsumálaráðnum.

Danmark er í ferð við at senda ein part av hesum skamtunum til nøkur av heimsins fátækastu londum, men danskir politikarar eru nú farnir at undrast á, hví Danmark framvegis tekur ímóti koppingarevnum, sum ikki skulu brúkast.

Frágreiðingin er fyrst og fremst, at Danmark hevur gjørt avtalu við hesar framleiðararnar um eina ávísa nøgd av skamtum, og tað er ikki bara sum at siga tað at senda hesar skamtarnar víðari út í verðina, har onnur kunnu fáa gagn av teimum.

Covax, sum er stóra koppsetingarsamstarvið millum WHO og fleiri aðrar felagsskapir, snýr seg millum annað um at býta koppingarevni út til heimsins fátækastu lond, men í útgangsstøðinum tekur Covax bara ímóti koppingarevnum beinleiðis frá framleiðarum og ikki koppingarevnum, sum eru í avlopi, til dømis frá Danmark.

Julia Raavad frá felagsskapinum Læknar uttan Landamørk sigur við DR, at tað er grund til at stúra um støðuna. Hon sigur, at Læknar uttan Landamørk arbeiða í londum, har heilsuskipanirnar eru um at hokna undir aðru og triðju bylgju av koronu, samstundis sum meir enn ein millión skamtar liggja óbrúktir á goymslu í Danmark. Hon heldur, at donsku myndugleikarnir eiga at biðja AstraZeneca og Johnson&Johnson senda írestandi skamtarnar beinleiðis til Covax og ikki til Statens Seruminstitut.

Danmark hevur higartil latið millum annað eina millión skamtar av AstraZeneca til Vesturbalkan og 250.000 skamtar til Bhutan.

Er kopiera
Nýggjastu sendingar í ÚV
Leygardag 25. september
Jambalaja 250921
129087
Leygardag 25. september
Nón 24. september 2021
129077
Leygardag 25. september
Morgunlestur leygardagur 25.september 2021
129063
Fríggjadag 24. september
Góðan morgun Føroyar 24.09.2021
129002
Nýggjastu sendingar í SV
Mánadag 20. september
3-2
128833
Mánadag 20. september
VIDEO: Rundtúrur umborð á Jákupi Sverra
128807
Sunnudag 19. september
Guðstænasta úr Gøtu kirkju.
128771
Sunnudag 19. september
Andakt við Jógvan Zachariassen
128767
Fríggjadag 17. september
RagnarRokk Reyp 23.september 2021
128699