Eingir áskoðarar í løgtinginum

Formansskapurin í løgtinginum hevur avgjørt, at løgtingið ikki er opið fyri almenninginum á ólavsøku, hvørki tá tingfundurin er ella eftir fundin.

Orsøkin er korona.

Seinni verður avgjørt, hvussu verður við tingfundunum í august. 

Formansskapurin hevur eisini gjørt av, at byrjað verður aftur at skráseta uppmøtingina hjá tingmonnum á ólavsøku, tó ikki á teimum fundum, tá bara framløga er á skránni. 

Semja er eisini um, at tá tingið er liðugt at umrøða ólavsøkurøðuna, verður ikki tingfundur aftur fyrr enn í september, uttan so, at okkurt áleikandi mál er. 

Og formansskapurin hevur avgjørt, at ungdómsting verður í februar næsta ár.