- Tíðindi, mentan og ítróttur
Gundurs bussar skal røkja busskoyringina í Havn
Gundurs bussar skal røkja busskoyringina í Havn
28,2 mió. kr. skal Tórshavnar kommuna gjalda Gundurs bussar fyri at røkja bussleiðina
Heðin og Heðin, Zachariassen og Mortensen, skriva undir sáttmálan sum ávikavist nevndarformaður í Gundurs bussar og borgarstjóri í Havn
Mynd: Tórshavnar kommuna
08.07.2021 - 16:00
Tað verða bussarnir hjá Sp/f Gundurs Bussar, sum fara at røkja alla busskoyringina í Tórshavnar kommunu í 2022.
Ískoytissáttmáli varð í dag undirskrivaður við Sp/f Gundurs Bussar. Sáttmálin byggir á verandi sáttmála um busskoyring í Tórshavnar kommunu.
Tað vóru Heðin Mortensen, borgarstjóri, og Heðin Zachariassen, nevndarformaður í Sp/f Gundurs Bussar, sum skrivaðu undir.
Avtalan fevnir um tíðarskeiðið frá 1. januar 2022 - 1. januar 2023. Sp/f Gundurs Bussar fara at reka alla bussleiðina í Tórshavnar kommunu fyri kr. 28,2 mió.kr hetta tíðarskeiðið.
Er kopiera
Nýggjastu sendingar í ÚV
Nýggjastu sendingar í SV
