Drotningin: "Eg ætli mær aftur til Føroya"

19.07.2021 - 10:39
AktueltSamfelag
Drotningin: "Eg ætli mær aftur til Føroya"
Margretha drotning vónar, at hetta ikki var hennara seinasta vitjan í Føroyum, tí sjálv ætlar hon sær aftur
Drotningin var glað fyri vitjanina og tóktist væl uppløgd á tíðindafundinum
Mynd: DR.DK  
 

Drotningin er sera glað fyri vitjanina í Føroyum. Tað segði hon á tíðindafundinum, sum hennara hátign helt úti í Tinganesi. 

Drotningin varð spurd, um tað nakrantíð var upp á tal at avlýsa ferðina til Føroya orsaka av koronastøðuni. 

Tað svaraði drotningin, at tað hevði tað ikki. Og hon gjørdi vart við, at hon hevði stóra tiltrúgv til, at myndugleikarnir í Føroyum høvdu tamarhalda á koronastøðuni og drotningavitjanini. 

Tað hevði frøtt drotningina at síggja, hvussu væl tað gongur í Føroyum, og hon var sera hugtikin av teimum frambrotum, sum vóru hend, síðani hon vitjaði í Føroyum seinast, eitt nú Eysturoyartunnilin, sum gjørdi tað lætt at koma runt  í Føroyum. 

Drotning helt eisini, at tað kanska beinleiðis hevði verið ein fyrimunur, at Kongaskipið Dannebrog fekk maskinskaða og ikki kundi luttaka í vitjanini, tí tað hevði givið henni høvi at síggja Føroyar eitt sindur øðrvísi, tí hon bleiv koyrd til flestu støðini, hon vitjaði.

 

Ikki seinasta vitjanini

Drotningin varð eisini spurd, um hon væntar at koma aftur til Føroya, og tað vónar hon. 

"Tað má vísa seg, nær eg komi aftur, tí aldur kann eg ikki renna undan, men eg ætlaði ikki, at hetta skal vera mín seinasta vitjan í Føroyum."

Tíðindafólkini spurndu nógv inn til aldurin, og hvussu hon kann blíva við at orka vitjanir við so mikið rúgvusmiklari ská. Drotningin dansaði lættliga tvørtur um spurningarnar um aldurin. 

 

Donsk børn læra ov lítið um Føroyar

Margretha drotning segði eisini á tíðindafundinum, at hon hugsaði nógv um, hvussu tað gekk í Føroyum og Grønlandi, og tað var nakað, hon altíð hevði gjørt.  

"Eg lærdi tíðliga nógv um Føroyar og Grønland í skúlanum, men eg eri ikki vís í, at donsk børn í dag vita líka nógv um Føroyar og Grønland og fólkini, sum har búgva. Fleir danir burdu verið meira tilvitaðir um Føroyar og føroyingar," segði drotningin, ið tóktist væl uppløgd á tíðindafundinum. 

Er kopiera
Nýggjastu sendingar í ÚV
Sunnudag 25. september
Meg minnist - Henrik Old (4:5)
145273
Sunnudag 25. september
Bolero: Konsertstykki úr 20. øld
145268
Sunnudag 25. september
Guðstænasta í Christianskirkjuni
145267
Sunnudag 25. september
Credo: Fløskubarn
145210
Leygardag 24. september
Brunsj við Oddbjørg Johansen
145259
Nýggjastu sendingar í SV
Sunnudag 25. september
Sangmøti í Ebenezer.
145276
Sunnudag 25. september
Andakt við Palla Petersen
145275
Mánadag 19. september
3-2
145026
Sunnudag 18. september
Andakt við Karinu Magnussen
144956
Sunnudag 18. september
Møti úr Berøa
144955