Rasisma ikki gerandiskostur í føroyskum fótbólti

01.08.2021 - 12:14
AktueltSamfelag
Rasisma ikki gerandiskostur í føroyskum fótbólti
Tað eru fleiri ár síðani, at Fótbóltssambandi fekk klagu um rasismu hjá spælarum ella áskoðarum, sigur Christian Andreasen, forseti í FSF
Mynd frá mótmælistiltaki í Tórsgøtu við heitinum Black Lives Matter.
Mynd: Bjarni Árting Rubeksen  
 

HB skal nú rinda 10.001 krónur í bót fyri eitt mál, har ein áskoðari rópti ókvæmisorð eftir einum leikara hjá KÍ, sum hevur myrkan húðarlit. Tað er niðurstøðan hjá Aganevndini hjá Fótbóltssambandinum. Harumframt skal 1. deildarliðið hjá HB-kvinnum spæla næstu 3 dystirnar uttan áskoðarar. Hendingin fór fram tann 25. apríl, tá 1. deildar kvinnurnar hjá HB spældu móti KÍ í Gundadali. HB hevði heimavøll, og tí hevur Havnar Bóltfelag ábyrgdina av vælferðini hjá leikarum, dómarum, og øðrum sum hava tilknýti til dystin - millum annað, at viðhaldsfólkini bera seg sømiligt at, stendur í úrskurðinum frá Aganevndini.
 

Hetta er ikki gerandiskostur hjá Fótbóltssambandinum. Christian Andreasen, forseti í FSF sigur, at vit skulu fleiri ár aftur í tíð fyri at finna seinasta dømi um eitt mál um rasismu, sum er endað á borðinum hjá FSF. 

Reglurnar eru herdar seinastu árini, og FSF hevur bundið seg til altjóða krøv um rasismu. Í fjør vóru reglurnar um leikbann broyttar so, at um ein leikari verður tikin fyri at útinna rasistiskan atburð, so fær leikarin 10 dagar leikbann. 

- Feløgini eiga at reagera, tá ið slík viðurskifti verða uppdagað og steðga tí beinan vegin, sigur Christian Andreasen. Hinvegin vísur hann á, at tað er trupult at síggja, hvat eitt felag kann gera í slíkum málum. Men í øðrum londum ganga fólk runt, sum feløgini ikki vita av, og kanna um slíkur atburður gongur fyri seg, men har eru vit ikki komin í Føroyum enn, heldur Christian Andreasen. 

HB hevur ikki tikið málið upp við viðkomandi áskoðaran. Um tað er rætt ella ikki, vil FSF ikki blanda seg uppí, sigur Christian Andreasen- 

Er kopiera
Nýggjastu sendingar í ÚV
Mánadag 20. september
Við Tórði á túri eftir havhestaungum
128821
Mánadag 20. september
Nón 20. september 2021
128818
Mánadag 20. september
Norðurljóð 20. september 2021
128718
Mánadag 20. september
#sparkakrákunaút
128806
Nýggjastu sendingar í SV
Mánadag 20. september
3-2
128833
Mánadag 20. september
VIDEO: Rundtúrur umborð á Jákupi Sverra
128807
Sunnudag 19. september
Guðstænasta úr Gøtu kirkju.
128771
Sunnudag 19. september
Andakt við Jógvan Zachariassen
128767
Fríggjadag 17. september
RagnarRokk Reyp 23.september 2021
128699