12 til 15 ára gomul fáa nú tilboð um koppseting

12 til 15 ára gomul fáa nú tilboð um koppseting
Kaj Leo Holm Johannesen, landsstýrismaður við heilsumálum, hevur gjørt av at víðka Covid-19 koppsetingarkunngerðina, so hon eisini fer at fevna um aldursbólkinum 12 til 15 ár
 
03.08.2021 - 18:10

Føroyingar í aldursbólkinum frá 12 til 15 ár fáa nú eisini tilboð um at lata seg koppseta fyri koronu.

Kaj Leo Holm Johannesen, landsstýrismaður við heilsumálum, hevur gjørt av at víðka Covid-19 koppsetingarkunngerðina, so hon eisini fer at fevna um aldursbólkinum 12 til 15 ár. Broytta kunngerðin verður lýst longu í dag og kemur í gildi í morgin.

Longu frá á midnátt kunnu foreldur bíleggja tíð at koppseta børn í aldrinum 12 til 15 ár fyri koronu.

Kaj Leo Holm Johannesen sigur, at tað er alneyðugt at taka hetta stigið, um fólkið í Føroyum skal røkka flokkimmuniteti fyri koronu. Flokkimmuniteturin skal tryggja, at koronusjúkan ikki longur sleppur at breiða seg.

Koppsetingarbólkurin hevur eisini mælt landsstýrismanninum til at taka hetta stigið, verður sagt úr Heilsumálaráðnum.

Er kopiera
Nýggjastu sendingar í ÚV
Týsdag 17. november
Vitan
216375
Týsdag 17. november
Vitan
216297
Mánadag 16. november
Norðurljóð 16.november 2026
215027
Nýggjastu sendingar í SV
Týsdag 17. november
Veðrið
216565
Týsdag 17. november
Dagur og vika við 3-2 - teknmálstulkað
216520
Mánadag 16. november
Veðrið
216486
Mánadag 16. november
Bygdarliv 4 – Eiði
216470
Sunnudag 15. november
Møti hjá Brøðrasamkomuni.
216442

Annað frá KVF