- Tíðindi, mentan og ítróttur
Savningarmarkið á 500 fólk avtikið
Savningarmarkið á 500 fólk avtikið
Landsstýrið hevur nú gjørt av, at tilmælið um, at í mesta lagi 500 fólk savnast, verður tikið aftur frá 10. august at roknað
![](https://kvf.fo/sites/default/files/styles/grein-ovasta-mynd/public/korona_tidindafundur_i_kvf-4.jpg?itok=XuLcDAKN)
Savninarmarkið á 500 fólk verður nú avtikið.
Mynd: Bjarni Árting Rubeksen
03.08.2021 - 13:44
"Góða gongdin, bæði við koppseting og við minkandi smittutølum, hevur við sær, at møguligt verður at skipa fyri størri tiltøkum aftur."
Soleiðis skrivar løgmaður í tíðindaskrivi, nú tilmælið um ikki at savnast meira enn 500 fólk verður avtikið.
Mælt verður kortini til, at fyriskiparar bera so í bandi, at luttakarar lata seg kanna áðrenn tiltøkini byrja, stendur eisini í tíðindaskrivinum.
“Tey flestu í samfelagnum hava nú fingið møguleikan at lata seg koppseta, og tí er ráðiligt at seta meira ferð á,” sigur Bárður á Steig Nielsen, løgmaður.
“At tilmælini linka merkir tó, at ábyrgdin hjá tí einstaka verður størri, bæði fyri sær sjálvum og øðrum,” leggur hann afturat.
Nýggjastu sendingar í ÚV
Nýggjastu sendingar í SV