200 milliónir havt koronu

Ein uppgerð frá Johns Hopkins University vísir, at 200 milliónir fólk kring heimin hava verið smittað við koronu. 

Talan er um skrásettar smittutilburðir, og tískil kann veruliga talið av smittaðum vera nógv hægri, tí fólk kunnu hava verið sjúk uttan at hava fingið smittuna staðfesta.

Tað er serliga útbreiðslan av Delta-frábrigdinum, sum nú hevur fingið talið av smittaðum at vaksa skjótari.

Tað er gingið tvífalt so skjótt at koma frá 100 til 200 milliónir smittað, sum tað gekk frá 0 til 100 milliónir, skrivar The New York Times.