Tók kommunu 13 ár at ognartaka 75 fermetrar til veg

Eitt mál um ognartøku, sum byrjaði fyri 13 árum síðani, er nú LOKSINS avgjørt í kærunevndini í lendismálum.

Kærunevndin gevur kommununi, sum IKKI er nevnd í úrskurðinum, viðhald.

Kommunan kann ognartaka 75 fermetrar til at breiðka ein veg.

Byrjaði í 2008

Málið byrjaði í 2008, tá kommunan ætlaði at keypa teir 75 fermetrarnar.

Kommunan royndi aftur í 2011 og í 2019.

Tá ikki bar til at keypa lendið, varð tað ognartikið í 2019.

Kærdu ognartøku

Ognartøkan varð kærd til kærunevndina í lendismálum, sum gav kommununi viðhald, tí ognartøkan var neyðug, rímilig og almannagagnlig neyðug. Hon lýkur tí treytirnar í býarskipanarlógini.

Kærunevndin tekur ikki støðu til endurgjaldið fyri ognartøkuna. Hon vísir tí spurninginum frá sær. 

Endurgjaldið ásetir ein metingarnevnd, sigur kærunevndin.