Kanada: Øll almenn starvsfólk skulu koppsetast

Kanadiska stjórnin krevur nú, at øll 300.000 almennu starvsfólkini í landinum skulu verða koppsett fyri koronu, áðrenn oktober mánaður er umliðin.

Kravið um koppseting verður eisini galdandi fyri flestu ferðafólk við flogfari, toki og skipi.

- Hetta er besti mátin at steðga farsóttini, samstundis sum búskapurin verður ávirkaður sum minst, siga myndugleikarnir sambært Reuters.

Smittan nógv vaksin

Deltafrábrigdið hevur við sær, at smittan í Kanada er nógv vaksin seinastu tíðina. 

Samveldisstjórnin er størsti einstaki arbeiðsgevari í Kanada. 

Ein uppgerð hjá Johns Hopkins universitetinum vísir, at 63 prosent av fólkinum í Kanda eru koppsett.