- Tíðindi, mentan og ítróttur
Jarðskjálvtin í Haiti kravt 1300 mannalív
Jarðskjálvtin í Haiti um vikuskiftið hevur kravt umleið 1300 mannalív, og 5.700 fólk eru løstað.
Sjálvtin varð mátaður til 7,2 á Ricther-stiganum og gjørdi stóran materiellan skaða.
Jarðskjálvtamiðdepilin var 125 kilometrar uttan fyri høvuðsstaðin, Port au-Prince, har 2,9 milliónir fólk búgva.
Fyri einum mánaði síðani varð forsetin í Haiti, Moise, dripin.
Undantaksstøða
Sitandi forsetin í landinum, Ariel Henry, hevur lýst undantaksstøðu í ein mánað, og hann hevur heitt á grannalondini um hjálp.
USA og ST royna at bjarga fólki, sum eru komin illa fyri av jarðskjálvtanum. Harumframt hava Kuba og Dominikanska lýðveldið lovað at at senda 250 læknar til Haiti, umframt mat og heilivág.
Sum jarðskjálvtin ikki var nóg mikið, tí nú hevur ein tropisk ódn kós móti Haiti, og hon fer at gera støðuna uppaftur verri, sigur Ariel Henry, forseti.