Hellutangi dálkar einki av týdningi

17.08.2021 - 11:23
AktueltPolitikkur
Hellutangi dálkar einki av týdningi
Helgi Abrahamsen, landsstýrismaður, hevur svarað fyrispurningi frá Ingilín D. Strøm, løgtingskvinnu
Fleiri royndir eru gjørdar at toga Hellutanga avaftur, men tær eru miseydnaðar.
Mynd: Hiddenfjord  
 

Roknað verður ikki við dálking, sum hevur nakran týdning, um Hellutangi verður liggjandi á Víkum til næsta summar.

Tað sigur Helgi Abrahamsen, landsstýrismaður í umhvørvismálum, í svari til Ingilín D. Strøm, løgtingskvinnu, sum hevur spurt um fóðurflakan.

Helgi Abrahamsen sigur, at lítið og einki av olju og øðrum dálkandi evnum eru í Hellutanga. Hann er heldur ikki til ampa fyri fiskiskap og skipaferðslu.

Kanningar av aldu- og streymviðurskiftum á Víkum vísa, at sjógvútskiftið er gott, og Umhvørvisstovan heldur tí, at vandin fyri dálking er avmarkaður á Víkum.

Skulu hava tilbúgvingarætlanir

Økið á Víkum liggur út til opið hav, og tað kann tí vera ein avbjóðing fyri bæði fisk og útgerð at vera á staðnum í vánaligum veðri.

Ingilín D. Strøm, løgtingskvinna, hevur fingið svar frá Helga Abrahamsen, landsstýrismanni, um Hellutanga. ​​

Treytir eru í umhvørvisgóðkenningini fyri alingina á Víkum, at virkið skal hava mannagongdir at byrgja óhappum, og hvat skal gerast, um óhapp hendir.

Umhvørvisstovan er í ferð við at endurskoða umhvørvisgóðkenningar til alibrúk. Í góðkenningum fyri størri virki er ásett, at tey skulu hava tilbúgvingarætlanir, sigur Helgi Abrahamsen í svarinum til Ingilín D. Strøm.

Er kopiera
Nýggjastu sendingar í ÚV
Leygardag 24. september
Brunsj við Oddbjørg Johansen
145259
Leygardag 24. september
Morgunlestur leygardagur 24.september 2022
144967
Fríggjadag 23. september
Breddin - Prísvøkstur, Sernám og Italia
145216
Fríggjadag 23. september
Góðan morgun Føroyar 23.09.2022
145212
Fríggjadag 23. september
Morgunlestur fríggjadagur 23. september 2022
144966
Nýggjastu sendingar í SV
Mánadag 19. september
3-2
145026
Sunnudag 18. september
Andakt við Karinu Magnussen
144956
Sunnudag 18. september
Møti úr Berøa
144955
Mánadag 12. september
3-2
144653
Mánadag 12. september
Úr savninum: One of a Kind - Rúna á Heygum
144618