Korona útsetir vinnuferð til Ísraels

Føroysk vinnuferðin til Ísraels, sum skuldi vera um tveir mánaðir, er útsett.

Orsøkin er koronustøðan í Ísrael, har Delta frábrigdið er farið at gera um seg.

Smittutalið í Ísrael er í løtuni tað hægsta higartil í ár. 

Tí hevur stjórnin í Ísrael sett nýggj tiltøk í verk.

Fólk, sum koma til landið, eisini úr Føroyum, skulu í sóttarhald í minst eina viku eftir komuna.

Uttanríkis- og Mentamálaráðið hevur enn ikki avgjørt, nær vinnuferðin til Ísraels verður í staðin.