Jóanes og Kristina hava skrivað hvør sín leik

Jóanes og Kristina hava skrivað hvør sín leik
Tjóðpallurin hevur kunngjørt skránna fyri næsta leikár við fleiri nýskrivaðum føroyskum leikum
Jóanes Nielsen hevur skrivað handritið til leikin "Portrettið".
 
25.08.2021 - 10:37

Lagt verður fyri við leikinum "Portrettið" eftir Jóanes Nielsen.

Hetta er ein fiktiv søga, men kortini við persónum, sum høvdu alstóran týdning fyri vinnulívið, trúarlívið, og serstakliga fyri menningina av føroyskari málningalist miðskeiðis í 20. øld. Men tá ið stóra politiska ódnin herjar, broytist alt, og loynidómar, sum illa tola dagsins ljós, verða avdúkaðir.

Skúlaleikur

Kristina Sundar Hansen leggur í løtuni seinastu hond á nýggja skúlaleikin "Virus - tá ið vísindi fingu ævintýr í æðrarnar"

Endamálið við leikinum er at greiða næmingum frá torskildu verjuskipanini á undirhaldandi og øðrvísi hátt. 

Kristina Sundar Hansen er bæði leikritahøvundur og leikstjóri.

"Virus" er ætlaður næmingum í 1. til 7. flokki og verður sýndur í skúlum kring landið í vetur. 

Við eru tríggir sjónleikarar og ein dansari, og leikstjóri er Kristina Sundar Hansen.

Lítli og stóri Klávus

Vælumtókti og skemtiligi familjuleikurin "Lítli og stóri Klávus",  ið hevur verið spældur sum útileikur, í Sjónleikarhúsinum, á ólavsøku og aðrastaðni, verður fluttur inn á Tjóðpallin í heyst.

Lesiringurin "Frá teksti til pall" heldur fram í heyst, og tað ger Søgukrókurin eisini, har sjónleikarar lesa søgur fyri børnum, skrivar Tjóðpallurin m.a. í tíðindaskrivi.

 

Er kopiera
Nýggjastu sendingar í ÚV
Leygardag 24. august
Morgunlestur leygardagur 24. august 2024
179332
Fríggjadag 23. august
Vikuskiftið 23 august 2024
179583
Fríggjadag 23. august
Breddin - Arbeiðsmarknaðarkanning
179562
Fríggjadag 23. august
Morgunlestur fríggjadagur 23. august 2024
179331
Nýggjastu sendingar í SV
Fríggjadag 23. august
Veðrið
179582
Fríggjadag 23. august
Dagur & vika - teknmálstulkað
179571
Hósdag 22. august
UEFA Conference league: KÍ - HJK Helsinki
179547
Mikudag 21. august
Dagur og vika - teknmálstulkað
179455
Týsdag 20. august
Veðrið
179437