- Tíðindi, mentan og ítróttur
Kirkjugarðurin í Vestmanna ov lítil
Kirkjugarðurin í Vestmanna ov lítil
Ein møguleiki er at hækka elsta partin í gamla kirkjugarðinum, so kistur kunnu setast oman yvir verandi kistur
Bygdarráðið í Vestmanna viðger spurningin um at umbyggja kirkjugarðin við kirkjuna og útbyggja nýggja kirkjugarðin.
27.08.2021 - 09:35
Skjótt verður kirkjugarðurin í Vestmanna ov lítil.
Bygdarráðið í Vestmanna viðger tí spurningin um at umbyggja kirkjugarðin við kirkjuna og útbyggja nýggja kirkjugarðin.
Ein møguleiki, sum er nevndur fyri at fáa fleiri gravstøð, er at hækka elsta partin í gamla kirkjugarðinum, so kistur kunnu setast oman yvir verandi kistur.
Borgarafundur í november
Borgarafundur verður hálvan november um kirkjugarðsmálið og um minnisvarðan.
Kirkjuráðið í Vestmanna hevur biðið um at fáa minnisvarðan fluttan oman til kirkjuna.
Ætlanin var at hava ein borgarafund um minnisvarðan í fjør, men so kom korona.
Nýggja bygdarráðið, sum tók við á nýggjárinum, heldur tó fast um borgarafundin. Hann verður hálvan november.
Er kopiera
Nýggjastu sendingar í ÚV
Nýggjastu sendingar í SV
