Fuglur fleyg í annan motorin

Eitt flogfar hjá Atlantic Airways fekk ein fugl í annan motorin, tá flogfarið skuldi seta seg í Vágum seinnapartin í gjár.

Flogfarið setti seg tó í øllum góðum og er kannað.

Kanningarnar vístu, at motorurin ongan skaða fekk. Flogfarið fer aftur í vinnu seinnapartin. 

At flogfarið ikki verður brúkt sum er, gevur nakrar broytingar í ferðaætlanini hjá Atlantic Airways.