Metrostøðir í New York standa undir í vatni

Undirgrundarjarnbreytin í amerikanska stórbýnum New York stendur still í løtuni, tí nærum allar metrostøðirnar standa, ella hava staðið undir í vatni.

Tað skrivar New York Times í dag.

Tað, sum er eftir av ódnini Idu, sum fyrr í vikuni bar við land í suðurstatinum Louisiana, rakar nú norðara partin av USA, har New York er.

Borgarstjórin í New York, Bill de Blasio, hevur lýst undantaksstøðu í býnum.

- Vit eru mitt í eini søguligari veðurstøðu við metnógvum avfalli í øllum býnum, ógvusligari vatnflóð og vandamiklum umstøðum á vegunum, skrivaði borgarstjórin á Twitter í morgun okkara tíð.