Elsta fólk í Føroyum fyllir 106 ár í dag

Kala er fødd 3. september 1915. Hon er ættað av Glyvrum, men flutti til Sumbiar sum barn, og hevur meginpartin av lívinum búð í Sumba. Nú býr hon á ellisheiminum á Tvøroyri, har dagurin verður hildin.

Kala er elsta kvinna, sum hevur livað í Føroyum. Metið tók hon í fjør. Tá var elsta konufólk, sum higartil hevur livað í Føroyum, Drikka á Fløtti, frá Gjógv. Drikka var fødd 2. juli 1875, og andaðist 23. november 1980. Drikka gjørdist 105 ár, 4 mánaðir og 3 vikur gomul, og hon hevði metið í góð 40 ár.

Hjá monnum er tað Theodor Thomassen úr Sørvági, sum er elsti maður, og eisini elsta fólk, sum hevur livað í Føroyum. Theodor varð føddur 28. oktober 1908 og hann andaðist 9. mars 2016, 107 ára gamal.