Nú vaksa inntøkurnar aftur í Klaksvík

Inntøkurnar hjá Klaksvíkar kommunu eru farnar at vaksa aftur.

Í august fekk kommunan 17,7 mió. kr. í skatti, 1,7 milliónir meira enn í august í fjør, veit heimasíðan hjá kommununi at siga.

Fyrr í ár var skattainntøkan minni enn hon var undanfarin ár. 

Men nú gongur rætta vegin, sigur kommunan, og serliga august var góður. 

Í fíggjarætlanini fyri 2021 er roknað við 305 mió. kr. í skatti.

Sum gongdin er nú, fer hetta at halda, sigur Karl Johansen, borgarstjóri.